Monumentet dhe vendet historike në Tiranë

Sheshi Skënderbej
Ky është zemra e qytetit, vendi ku takohen njerëzit, historitë dhe monumentet më të rëndësishme. Një vend perfekt për të bërë foto dhe për të shëtitur në çdo kohë.

Muzeu Historik Kombëtar
Në këtë muze do të gjesh histori të Shqipërisë nga koha e lashtë deri sot. Fasada me mozaikun e famshëm “Shqipëria” të fton të hysh brenda dhe të zbulojë sekretet e vendit.

Xhamia e Et’hem Beut
Një perlë e shekullit XVIII që ndodhet në Sheshin Skënderbej. Është një nga simbolet më të bukura të Tiranës dhe një vend ku ndjen paqen e vërtetë.

Kulla e Sahatit
E afërt me xhaminë, kjo kullë e shekullit XIX të ofron mundësinë të ngjitesh dhe të shohësh pamjen e mrekullueshme të qytetit nga lart.

Bunk’Art 1 & 2
Dy muze të veçantë, të vendosur brenda bunkerëve të vërtetë nga periudha komuniste.

• Bunk’Art 1 është pak më larg, te rruga e Dajtit.
• Bunk’Art 2 ndodhet në qendër, pas Ministrisë së Brendshme.

Një përvojë që nuk duhet humbur!

---

Natyra dhe hapësirat e gjelbra

Parku i Madh i Tiranës (Parku i Liqenit)
Vendi ideal për një shëtitje, vrap, piknik apo thjesht për të çlodhur mendjen. Ka edhe kafene e zona sportive për të gjithë.

Liqeni Artificial i Tiranës
Një oaz qetësie brenda parkut, ku mund të ulesh, të lexosh apo thjesht të shijosh natyrën dhe pamjen.

Teleferiku Dajti Ekspres
Mëngjesi ose pasditeja nuk janë të plota pa një udhëtim me teleferik deri në malin e Dajtit. Pamje fantastike, restorante me kuzhinë të shijshme dhe ajër i pastër.

---

Art, kulturë dhe arkitekturë

Galeria Kombëtare e Arteve
Një vend ku takohen artistë shqiptarë e të huaj. Gjithmonë e gjallë me ekspozita interesante dhe energji kreative.

Piramida e Tiranës
Ish-muzeu për Enver Hoxhën, tani është një hapësirë moderne për ngjarje kulturore dhe teknologjike. Ngjitu lart dhe bëj foto që do të mbahen mend!

Reja (Cloud)
Një instalacion modern pranë Galerisë së Arteve dhe Presidencës, i dashur nga të gjithë për atmosferën dhe pamjet e tij unike.

---

Ku të dalësh dhe të hani mirë

Blloku
Nga zona e ndaluar gjatë komunizmit në qendrën më të gjallë të jetës së natës! Bare, restorante, dyqane, dhe shumë atmosferë për t’u zbuluar.

Pazari i Ri
Një përzierje e bukur e tregut tradicional dhe hapësirave moderne, me ushqime lokale fantastike dhe mundësi për shopping.

---

Gjëra të tjera që ia vlejnë

Ura e Tabakëve
Një urë e vjetër osmane që të çon në kohë të tjera dhe tregon historinë e zanatit të tabakëve në Tiranë.

Sheshi “Mother Teresa” dhe Universiteti i Tiranës
Një vend ku ndihen frymëzimet e mëdha, me ndërtesa karakteristike dhe një atmosferë që ngjall respekt.

Exelent BnB

Social